Главная » Статьи » Мои статьи [ Добавить статью ]

ЫҤЫРЫЫ СУРУК

ЫҤЫРЫЫ СУРУК

 

Күндү Ураьалаах оскуолатын араас сылларга үөрэнэн бүтэрбит бары выпускниктар!

Быйыл ахсынньы ый 15-16 куннэригэр биһиги оскуолабыт 90 сыллаах үбүлүөйүн бэлиэтиибит. Оскуолабыт барахсан бука барыбытыгар билии-көрүү бастакы кыымын сахпыт үөрэхпит кыһата буолар. Бүгүн араас идэни баһылаан, дьон-сэргэ ытыктабылын ылан, үлэһит үтүөтэ буоллугут. Оскуолатаа5ы сылларгыт түгэннэрэ куруутун эһиэхэ санаталлар уерэммит сылларгыт са5анаа5ы олох күүрээнин, ньиргиэрин, дьикти түгэннэрин.

Төрөөбүт дойдубут кэрэ миэстэлэрэ - Индигир еруспут, Чаад куелбут, Суруктаах Тааспыт, Урун Тааспыт. Дьоллоох оҕо саас үөрүутун сирдэрэ...

Хаһан да умнубаккыт билии-көрүү киэҥ далайыгар сирдээбит күндүтүк саныыр учууталларгытын... Учууталлар барахсаттар сылаас сыһыаннара, үтүө майгылара эһигини үрдүккэ кынаттаабыттара, кэрэҕэ, инники кэскилгэ сирдээбиттэрэ.

Оттон оскуолаҕа бииргэ үөрэммит доҕотторгут саамай күндү, саамай чугас дьоннор буолаллар. Олох араас тугэннэригэр үөрүүнү тэҥҥэ үллэстэн, ыарахаттары тэҥҥэ туораан, бэйэ-бэйэҕитигэр көмөлөһөн, бигэ тирэх буолаҕыт. Кылааһынан түмсүүлэргэ оскуолатааҕы сылларгытын санаан, оҕолуу үөрэн, сүргэҕит көтөҕүллэр, дууһаҕыт чэпчиир, санааҕытыгар санаа, күүскүтүгэр күүс эбиллэр.

Күндү выпускниктар, үөрэммит оскуолабыт 90 сыл устата элбэх оҕону үөрэтэн, олох киэҥ суолугар атаарбыта. Күн бүгүн Ураьалаах орто оскуолата саҥа суолу тобулан, оҕону идэҕэ уһуйар, үлэҕэ үөрэтэр соруктаах айымньылаах үлэ үөһүгэр сылдьар. Үөрэххэ, үлэҕэ, спорка дьоһун ситиһиилэр элбэхтэр. Улууска, республикаҕа биһиги оскуолабыт аата үрдүктүк ааттанар.

Үөрэммит оскуолабыт 90 сыллаах үбүлүөйүн бэлиэтиир тэрээһиннэргэ бары көхтөөхтук кыттыыны ылын, олоххут саамай кэрэ кэрдииьин – оскуолатаа5ы сыллары кэлэн ахтан-санаан ааьын!

 

 

Ураьалаах орто оскуолатын коллектива

Категория: Мои статьи | Добавил: mazahaki (14.11.2017)
Просмотров: 128 | Рейтинг: 0.0/0
Всего комментариев: 0
avatar